షట్యంతములు

1-27. ఉత్పలమాల
హారికి నందగోకుల విహారికి జక్రసమీరదైత్య సం
హారికి భక్త దుఃఖపరిహారికి గోపనితంబినీ మనో
హారికి దుష్టసంప దపహారికి ఘోషకుటీపయోఘృతా
హారికి బాలకగ్రహమహాసురదుర్వనితా ప్రహారికిన్.

1-28. ఉత్పలమాల
శీలికి నీతిశాలికి వశీకృతశూలికి బాణహస్తిని

ర్మూలికి ఘోరనీరదవిముక్తశిలాహత గోపగోపికా

పాలికి వర్ణధర్మ పరిపాలికి నర్జునభీజయుగ్మ సం

చాలికి మాలికిన్ విపుల చక్రనిరుద్ర మరీచిమాలికిన్.

1-29. ఉత్పలమాల
క్షుంతకుఁ గాళియోరగ విశాల ఫణోపరివర్తన క్రియా

రంతకు నుల్ల సన్మగధరాజ చతుర్విధఘోర వహినీ

హంతకు నింద్రనందననియంతకు సర్వచరాచరావళీ

మంతకు నిర్జితేంద్రియసమంచిత భక్తజనానుగంతకున్.

1-30. ఉత్పలమాల
న్యాయికి భూసురేంద్రమృతనందనదాయికి రుక్మిణీ మన

స్థాయికి భూతసమ్మద విధాయికి సాధు జనానురాగ సం

ధాయికిఁ బీతవస్త్ర పరిధాయికిఁ బద్మభవాండ భాండ ని

ర్మాయికి గోపికానివహమందిరయాయికి శేషశాయికిన్.

వచనము.
సమర్పితంబుగా నే నంధ్రభషను రచయింపబూనిన శ్రీమహాభాగవతంబునకుంబ్రారంభం బెట్టిదనిన:

* * *

మునుపటి తదుపరి