1-20 లలితస్కంధము

1-20. మత్తేభము

లలితస్కంధము గృష్ణమూలము శూకాలపాభిరామంబు మం

జులతా శోభితమున్ సువర్ణ సుమనస్సుజ్ఞేయమున్ సుందరో

జ్వల వృత్తంబు మహాఫలంబు విమల వ్యాసాలవాలంబునై

వెలయున్ భాగవతాఖ్య కల్పతరు వుర్విన్ సద్విజశ్రేయమై

* * *

మునుపటి తదుపరి  

1-17 భాగవతము దెలిసి

1-17. ఆటవెలది

భాగవతము దెలిసి పలుకుట చిత్రంబు, శూలికైనఁ దమ్మిచూలికైన

విబుధ జనులవలన విన్నంత కన్నంత, తెలియ వచ్చినంత తేటపఱుతు  

* * * 

మునుపటి తదుపరి

1-16 పలికెడిది

1-16. కందము

పలికెడిది భాగవతమఁట, పలికించువిభుండు రామభద్రుండఁట నేఁ

బలికిన భవహరమగునఁట, పలికెద వేఱొండుగాథఁ బలుకఁగ నేలా.

* * *

మునుపటి తదుపరి

1-12 చేతులారంగ శివునిఁ

1-12. తేటగీతి

చేతులారంగ శివునిఁ బూజింపఁడేని, నోరునొవ్వంగ హరికీర్తి నుడువఁడేని

దయయు సత్యంబులోను గాఁదలఁపఁడేని, గలుగనేతికిఁ దల్లులకడుపుచేటు 

* * *

మునుపటి తదుపరి

1-11 ఇమ్మనుజేశ్వరాధముల కిచ్చి

1-11. ఉత్పలమాల

ఇమ్మనుజేశ్వరాధముల కిచ్చి పురంబులు వాహనంబులున్

సొమ్ములుఁ గొన్ని పుచ్చుకొని సొక్కి శరీరముఁ బాసి కాలుచె

సమ్మెట వాటులం బడక సమ్మతి శ్రీహరి కిచ్చి చెప్పె నీ

బమ్మెర పోతరా జోకఁడు భాగవతంబు జగధ్ధితంబుగన్

* * *

మునుపటి తదుపరి

1-8 అమ్మలఁగన్నయమ్మ

1-8. ఉత్పలమాల

శారదనీరదేందు ఘనసార పటీర మరాళ మల్లికా

హార తుషార ఫేనరజతాచల కాశ ఫణీశ కుందమం

దార సుధాపయోధి సితతామరసామరవాహినీశుభా

కారత నొప్పు నిన్ను మదిఁ గానగ నెన్నడు గల్గు భారతీ! 

అంబ నవాంబుజోజ్వలకరాంబుజ శారదచంద్రచంద్రికా

డంబర చారుమూర్తి ప్రకటస్ఫుట భూషణ రత్నదీపికా

చుంబిత దిగ్విభాగ శృతిసూక్తి వివిక్త నిజప్రభావ భా

వాంబరవీధి విశ్రుతవిహారిణి నన్ గృపఁ జూడు భారతీ!

* * *

అమ్మలఁగన్నయమ్మ ముగురమ్మల మూలపుటమ్మ చాల పె

ద్దమ్మ సురారులమ్మ కడు పాఱడిపుచ్చి నయమ్మ తన్ను లో

నమ్మిన వేల్పుటమ్మల మనమ్ముల నుండెడియమ్మ దుర్గ మా 

యమ్మ కృపాబ్ధి యీపుత మహత్త్వ కవిత్వ పటుత్వ సంపదల్

* * *

మునుపటి తదుపరి

1-1 శ్రీ కైవల్యపదంబుఁ

శ్రీ కైవల్యపదంబుఁ జేరుటకునై చింతించెదన్ లొకర

క్షైకారంభకు భక్తపాలన కళాసంరంభకున్ దానవో

ద్రేక స్తంభకుఁ గేళిలొలవిలసద్దృగ్జాల సంభూతనా

నాకంజాతభవాండకుంభకు మహనందాంగనాడింభకున్.

...

గాత్రము: శ్రీ అనంత కృష్ణ గారు

* * *

మునుపటి తదుపరి